Ray C afunguka baada ya Lord Eyez kukamatwa na Polisi

Mambo bado sio mazuri kwa Rapper anaewakilisha Weusi, Lord Eyez baada ya kusimamishwa na kundi hilo. Ametengeneza vichwa vya habari ambavyo vinachafua sura ya Kundi la Weusi.

Msanii wa Bongo flava, Ray C

Inasemekana Jumamosi iliyopita, Lord Eyez alijikuta kwenye mikono ya Polisi kutokana na wizi wa Laptop aina ya Dell huko Arusha. Sasa aliyekuwa mpenzi wake, Ray C amefunguka hivi kuhusiana na tukio zima kupitia Instagram:

“Badilika babaa. Nakuombea sana ujitambue na ubadili mwendo wa Maisha yako. Wewe bado ni kijana mdogo sana na una kipaji cha pekee. Kila Mtu Ana changamoto yake ya maisha,angalia wapi ulipokosea, litambue tatizo halafu kubali kwamba una tatizo then rekebisha Hilo tatizo. Anza Maisha mapya, Badilika.

Majanga yote yanayokukuta ni ishara tosha kutoka kwa Mwenyezi Mungu kwamba unakoelekea siko, Kama una akili timamu basi utagundua Hilo na utajirekebisha babaa, Nakuombea kila la kheri katika mabadiliko ya Maisha yako. Karibu Kwenye Tiba ya Methadone. Methadone Kiboko ya Madawa.” aliandika Ray C.