Madee aelezea jinsi Remix ya ‘Pombe yangu’ alivyowahusisha P-Unit

Msanii wa Tip Top Connection, Madee ameelezea jinsi ambavyo ilifanyika remix ya hit yake iliyoteka chart ya nyimbo bora ya radio nyingi nchini mwaka jana ‘Pombe Yangu/Sio Mimi’.

Msanii wa Bongo flava, Madee

Madee ameiambia Times Fm kuwa ilikuwa ni ndoto yake mwaka huu kufanya collabo na msanii wa kimataifa au wa nje ya nchi kwa kuwa alikuwa hajawahi kufanya hivyo tangu aanze muziki, na kwamba wazo lake la kwanza la kufanya remix ya wimbo huu ilikuwa afanye na Prezzo wa Kenya.

“Ambaye amesaidia kwa msaada mkubwa sana alikuwa ni Ambwene Yesaya (AY), mimi nilimwambia nataka kufanya na Prezzo lakini AY akasema Prezzo kwa sasa hivi ratiba yake haiku vizuri kwa sababu ya habari zake na nini, kwa hiyo tufanye na P-Unit. Na mimi aliponitajia P-Unit nikafurahi, lakini nilikuwa sijawahi kukutana na hao jamaa sasa tutafanyaje, akasema wewe usijali niachie mimi.” Amesema Madee.

Amedai kuwa baada ya hapo, AY alimsaidia kumuunganisha na P-Unit ambapo yeye ndiye aliyesimamia zoezi la kutuma beat Nairobi kwa P-Unit na kisha kuirudisha kwa Marco Chali ambaye alimaliza na Madee. Habari hii inapatikana kwenye timesfm.co.tz (source).